ஆட்காட்டி

ஆண் பாவம்

2010-07-30T09:22:00.000-07:00

என்னது கலா இன்னமும் கணவனுடன் சேர முடியவில்லையா? கலியாணம் முடிந்து ஐந்து வருடங்கள் ஆகிவிட்டனவே. ரொம்பப் பாவமாச்சே. திருமணம் முடிந்து ஒருவார காலம் கணவருடன் வாழ்ந்து விட்டு ஐந்து வருடங்கள் தனித்து இருப்பது என்பது ஒரு பெண்ணுக்கு கொடுமையிலும் கொடுமை. அது ஏன் கலாவுக்கு நடக்கணும்? அதிலும் அவள் தங்கைக்கு மூன்று குழந்தைகள் வேறு. இன்றைக்கு நாளைக்கு என்று இன்னமும் எத்தனை நாளைக்குத் தான் தவித்திருப்பது? ஏற்கனவே உடல் மெலிந்து கன்னத்தில் குழி விழும் அளவுக்கு மெலிந்து விட்டாள். அவன் மனசு மிகவும் பச்சாதபப் பட்டது.

எண்டா முண்டம், உனக்கு அறிவு கெட்டுப் பழுதாகிப் போச்சா? உனக்கு நடந்ததெல்லாம் பழங்கதையாகிப் போய் மறந்து போயிட்டுதா? இப்பொழுது போய் ரொம்பவும் தான் பரிதாபப் படுகிறாய்?. உள்ளுக்குள் இருந்து ஒருவன் கத்திக் கொண்டிருந்தான். நிசம் தான் பத்து வருடங்களுக்கு முன் அவனது வாழ்க்கையில் கபடி ஆடியவர்கள் எப்படி எல்லாம் நல்ல படியாக முடியும் என்று எதிர்பார்க்க முடியும்?

ஒன்றா இரண்டா பதின் மூன்று வருடங்கள். ஒன்றுமே தெரியாத வயதில் கணவன் மனைவியாக்கி விட்டு காலம் வந்த போது கழுத்தறுத்தால் அந்த உள்ளங்கள் என்ன பாடு பட்டிருக்கும், வேதனையில் வெந்திருக்கும் என்று எவராவது கொஞ்சமாவது சிந்தித்து இருப்பர்களா? எல்லோரும் வசதி வாய்ப்புகளுக்கு பறந்தடித்தால் என்னவாகும்?

நீங்கள் சொன்னதைக் கேட்டுத் தானே அவர்கள் காதல் வயப்பட்டார்கள். காலம் வரும் போது சேரலாம் என்று காத்திருந்தார்கள். சின்னஞ் சிறிதாக வளர்ந்து பசு மரத்தாணி போல் படர்ந்த உறவுகளை ஒரு நொடியில் பிய்த்துப் போட்டீர்களே? நீங்கள் சொன்ன வார்த்தைகளை எப்போதாவது மீறி இருப்பார்களா? தட்டி நடந்திருப்பார்களா? வாலிபமும் வனப்பும் வாய்ப்பும் கூடி இருந்த போதும் தவறி இருப்பார்களா? உன்னதமான காதலாக இருக்க வேண்டும் என்று ஒரு வார்த்தை கூட அளவுக்கு அதிகம் பேசியதில்லையே. கண்களால் பார்த்து, பேசி, காதல் புரிந்து, கூடியும் வாழ்ந்து வந்தது தப்பா?

ஒன்றுமே தீர்மானிக்க முடியாத வயதில் முடிவு எடுத்து விட்டு முடிவைக் கேட்டால் எங்கே போவார்கள்? முன்னுக்கு நிற்கும் காட்சிகளை விட்டு தூரனோக்கி வைத்து எதைத் தேடுவது? கடைசி வரை சண்டை போட்டார்களே காது கொடுத்தீர்களா? திக்கித் திணறி நின்ற பிஞ்சுகளை வைத்து சதுரங்கம் ஆடினீர்களே இப்பொழுது சொல்லுங்கள். இவனாலும் குடும்பத்தைக் காப்பாற்ற முடியும். பத்துப் பிள்ளைகளுக்கு அப்பனாக முடியும். அவளைத் திருப்பித் தர முடியுமா? அவன் தொலைத்த வாழக்கையைத் திருப்பித் தர முடியுமா? இடிந்து நொருங்கிப் போன கனவுக் கோட்டைகளை புழுதி தட்ட முடியுமா? கலைந்து போன கற்பனை வாழ்க்கையை நினைவூட்ட முடியுமா?

அடிக்கடி கனவில் வந்து போதும் நினைவுகளின் சுழலில் சிக்கித் தவிப்பது தெரியுமா? அவளின் குழந்தைகளின் முகங்களைப் பார்க்கும் போது மனதில் வந்து போகும் நினைப்புகளை வார்த்தைகளில் வடிக்க முடியுமா? கூடி வாழலாம் என்று தொலைத்த

சந்தர்ப்பங்களுக்கு விலை போடட்டுத் தர முடியுமா? கண்களில் நீரோடு வார்த்தைகள் பேச முடியாமல் பிரிந்த கணங்களின் வலியைப் போக்க முடியுமா? போட்ட சண்டைகளையும், கூனிக் குறுகி நிற்க வைத்து சாகடித்த பேச்சுக்களை திருப்பி எடுக்க முடியுமா? சமுகத்துக்கு தலை காட்ட முடியாமல் நாடு விட்டு நாடு பாய்ந்தது ஊர், உறவுகளைப் பிரிந்ததுக்கு விலை பேசலாமா?

எல்லாம் முடிந்து விட்டது. காலம் மாறி விட்டது. அனுபவித்துத் தான் ஆகணும். சாத்தான் ஓதிக் கொண்டிருந்தது.

இல்லை. இப்பொழுது மட்டும் என்ன குறைச்சல்? சிலவற்றை விட்டால் பற்பல கிடைக்கும். வாழ்க்கையை ஜமாய் பண்ணடா. மற்றவர்கள் தப்பு செய்தாலும் நல்லதே நினை. கெடுவான் கேடு நினைப்பவன். நல்லவன் புத்திமதி கூறிக் கொண்டிருக்கின்றான்.

நடந்தது என்ன- இந்தியக் கடற்படையால் ஆயுதக் கப்பல் தாக்கி அழிப்பு?

2009-12-22T22:27:00.000-08:00

கடந்த வாரம் சர்வதேசக் கடற்பரப்பில் வைத்து கடற்கொள்ளையர்களின் ஆயுதக் கப்பலை இந்தியக் கடற்படை வெற்றிகரமாகத் தாக்கி அழித்தது. எனக்கு அப்பவே ஒரு சந்தேகம். கொள்ளையர்களுக்கு ஏன் ஆயுதக் கப்பல்? அதை ஏன் இந்தியக் கடற்படை மோப்பம் பிடிக்க வேண்டும் என்று? பலவாறான யோசனைகள் மனதிலே படர்ந்தன. (விளங்கினாச் சரி.) சரி இப்ப அவர்கள் தங்களின் மூக்கை வேற இடத்திற்கு மாத்தி விட்டார்களாக்கும் என்று நினைத்தேன்.

இந்தியாவில் அப்போது அது தான் பரபரப்புச் செய்தி. எங்க பார்த்தாலும் அவர்களின் பேட்டி தான்.

அப்பவே சும்மா கதை கட்டி விட்டார்கள், சில இணையத் தளங்களில். கரையிலிருந்து 100கிமீ தூரத்தில் வைத்து தாக்கினார்களாம். அவர்கள் கடலில் குதித்து நீந்திச் என்று விட்டார்களாம். இன்னுமொரு கதை கப்பல் வெடிக்க முன் இரு வேகப் படகுகளில் தப்பி ஓடி விட்டார்களாம். நல்லத்தான் கதை விட்டார்கள். மாண்புமிகு இந்தியக் குடிமக்களும் , இந்தியக் கடற்படை நல்லாத் தான் போட்டுத் தாக்கி இருக்கிறங்காள் என்று பெருமைப் பட்டு கொண்டார்கள்.

அது சரி. இந்தியக் கடற்படை போகுமட்டும் அமெரிக்கப் படைகளுக்கு தெரியாதா? அவர்கள் தான் அரபிக் கடலில் அடுத்தது யாரு? ஈரானா? சிரியாவா? இல்லை பாகிஷ்தானா? மிஞ்சிப் போனா இந்தியாவா? எவனை வறுத்தெடுக்கலாம் என்று காவல் காத்துக் கொண்டு ஏராளமான போர்க்கப்பல்களில் பவனி வருகின்றார்களே? விடயம் நல்லதாவே படல. சரி விடுங்க.

அப்புறமா இந்த வாரம் செய்தி வருகுது, ஒரு தாய்லாந்து மாலுமி நீந்திக் கரை சேர்ந்திருக்கிறான். அவன் நிறைய விசயங்களை அவிழ்த்து விட்டிருக்கான். தாக்கப் பட்டது ஆயுதக் கப்பல் அல்ல. அது ஒரு மீன் பிடிப் படகு. தாய்லாந்துக்கு சொந்தமானது. அதைக் கொள்ளையர்கள் கடத்தி வைத்திருக்கும் போது இந்தியக் கடற்படை தாக்கி இருக்ககிறது. அந்த இடத்திலேயே ஒருவர் மாள,13 பேர் கடலில் குதித்து இருக்கிறார்கள். 12 பேரின் கதி இன்னமும் அறியப் படவில்லை. இந்தச் செய்தி எந்த இந்திய இணையத்திலும் வரல. ஏன்?

சும்மா பீலா விட்டு பேட்டி குடுத்தவங்கள் எல்லாம் எங்க? இந்தியக் குடிமக்கள் இன்னமும் பெருமை பிடிபடமா இருக்கினமா? புரியல.

எப்படித் தான் கதை கட்டுறாங்கள் எண்டே தெரிய மாட்டேங்குது.

இந்தியர்கள் ஏன் இப்படி?

2009-12-22T22:26:00.001-08:00

என்னுடன் வேலை செய்யும் ஒருத்தன் கேட்டான், ஏன் இந்தியர்கள் எல்லோரும் இப்பிடி என்று? நானும் என்னென்று கேட்டேன். அவன் சொன்னான், ‘நமது அலுவலகத்துக்கு முன்னால் வரும் நிறைய இந்தியர்கள் புகைப் பிடிக்க லைற்றர் வைத்திருக்கிறதில்லையே ஏன்’? என்று. அவர்கள் எல்லோருமே மெத்தப் படித்தவர்கள். மிகப் பெரும் நிறுவனங்களில் பணி புரிபவர்கள். கை நிறையச் சம்பளம். புகைப்பது விலை கூடிய சுருட்டு. ஆனால் லைற்றர் கிடையாது ஏன்? நான் சொன்னன் சில வேளைகளில் மறந்து விடுவார்கள் என்று. அவன் சொன்னான், இது ஒரு நாள், இரு நாள் கூத்து இல்லை. பல காலமாக நடக்கிறது. அதுவும் சரி தான். ஏன் அப்படி?

அடுத்தது, ஏன் இந்தியர்கள் ஒரு கோப்பைத் தேநீரை இருவர் குடிக்கிறார்கள் என்று. எனக்கும் தெரியல.

முக்கியமா இங்குள்ள இந்தியர்கள் இங்கு இருக்கும் வரைக்கும் நல்ல பிள்ளைக்கு வேசம் போடுறாங்கள். ஆனா, ஊர் சுத்தக் கிளம்பினா கையில ஒரு குட்டியோட சுத்துறாங்களே? எல்லோரும் ஏன் இப்படி நடிக்கிறார்கள்? நல்லவருக்கு வேசம் போடுறாங்கள் என்று.

சரி, இந்தியப் பொண்ணுகள் ஏன் இப்படி பூசி மெழுகித் திரியுதுகள்? இந்தியப் பெண்கள் தான் கலாச்சாரப் பெண்களாயிட்டே-அவர்களும் மாறிவிட்டர்களா?அவர்களின் நிறத்துக்கு சம்மந்தம் இல்லாமல் நிறம் அடிக்கிறது. இமைக்கு பூச்சுப் பூசுறது. அங்கங்கள் பிதுங்க உடுத்துறது. ஏன்?

அப்புறமா இந்தியப் பெண்கள் எப்படிப் பொட்டு வைக்கிறார்கள். கலியாணம் ஆனா என்ன நிறம்? ஆகாட்டி என்ன நிறம்?
நானும் விளக்கம் சொன்னன். ஆனா இப்பொழுது எவருமே பின்பற்றுறது இல்லையே ஏன்? கலியாணம் ஆன பெண்கள் மத்த நிறப் பொட்டு வைச்சால் அப்ரோச் பண்ணலாம் எண்டு அர்த்தமா? கடைசியா விவாகரத்து பெற்ற பெண்கள் என்ன நிறத்தில பொட்டு வைப்பார்கள்?

நானும் மண்டையக் குழப்பினது தான் மிச்சம்.

முடிந்தால் சிரிக்கலாம்.

2009-12-22T22:23:00.001-08:00

தம்பதியினர் இருவருக்கு 5 வருடங்களாக குழந்தைகள் இல்லை. புருசன் பொண்டாட்டியிடம் சொன்னானாம்,
நான் இரண்டாவது திருமணத்தைப் பற்றி யோசிக்கிறன் எண்டு.
மனைவி-பாக்கிறது தான் பாக்கிறீங்க, நல்ல மாப்பிளையா, உங்களிலும் அழகா, வாட்ட சாட்டமா, நல்ல ஆம்பிளையாப் பாருங்க.

பெண் பார்த்து விட்டு வந்த நண்பன் சோகமாக இருந்தான். உடன்பாடு கேட்டிச்சாம் என்னடா மச்சான் கவலையா இருக்க, பொண்ணு பிடிக்கலயா எண்டு.
அவன் சொன்னான் ஆமாடா பொண்ண விட அவ தங்கை நல்லா இருந்தாடான்னு.
நண்பன்- அப்ப அவவயே பேசி முடிக்க வேண்டியது தானே.
பதில்- சொன்னமடா தங்கைக்கு என்னை விட எங்க அப்பாவை ரொம்பப் பிடிச்சிருக்காம்டா.

என்னை உறுத்தியவை 1

2009-12-22T18:23:00.001-08:00

அமெரிக்கா பொருளாதார மந்தத்தை போக்க 700 பில்லியன் பணத்தை தள்ளியுள்ளது. இது எல்லோருக்கும் தெரிந்தது தான். இதில் என்ன விசேசம் இருக்கு?

700 பில்லியனும் பொது மக்களின் பணம். அதைக் கொடுத்தது நிறுவனங்களுக்கு. ஏன்? நிதிச் சுமை தாங்க மாட்டாத நிறுவங்களுக்கு ஆதரவு வழங்க. நல்லது தான். இதை விட இன்னுமொன்று செய்திருக்கலாம். அந்தப் பணத்தை அப்படியே மக்களுக்கு வழங்கி இருக்கலாம். அவர்கள் ஏதாவது செய்திருப்பார்கள். இப்பொழுது என்ன நடக்கப் போகிறது. உதாரணத்துக்கு வீட்டு மனைகளை வாங்கியவர்கள் பணம் செலுத்த முடியாமல் வீதிகளில். வீடுகள் மீண்டும் நிதி நிறுவங்களுக்கு. ஆக மொத்தம் மக்கள் இதுவரை செலுத்திய பணம் வீண். வீடும் சொந்தமல்ல.

நிறுவனங்களுக்கு இதுவைரை கிடைத்த பணமும் லாபம். வீடுகளும் மீண்டும் கைகளில். திரும்பவும் வித்து காசாக்கலாம். அரசு கொடுத்த நிதி வேறு. கொளுத்த இலாபம். இப்படி ஏன் மக்கள் ஏமாற்றப் படுகிறார்கள். அந்தப் பணத்தை மக்களிடம் கொடுத்திருக்கலாம். அல்லது மக்களை அதே வீடுகளில் இருப்பதற்கு அந்தப் பணத்தை இழபீடாகக் கொடுத்திருக்கலாம். அப்படி எதுவுமே நடக்கவில்லை. ஏன்?

போததற்கு மோட்டார் நிறுவனங்கள் வேறு. உலகின் பெரும் நிறுவனங்களிடம் வெறும் 35 பில்லியன்கள் கூடவா கிடையாது? அரசு பாவம் பார்த்து கொஞ்சம் இரங்கியுள்ளது. அவை அதை வைத்து நட்சத்திர உல்லாச விடுதிகளில் கூட்டம் போடப் போகின்றன. பாவம் மக்கள்.

பாவப்பட்ட உயிரிகள் எங்கும் உளரோ?

அடுத்தது சிம்பாவே. முகாபே எண்டொருத்தர் வெளி நாட்டுக் காரங்களிட்ட இருந்த சொத்தெல்லத்தையும் புடுங்கிக் கொண்டார். வெளிநாட்டுக்காரங்கள் என்றால் பெரும்பாலும் வெள்ளையர்கள். அவர்கள் சிம்பாவேயின் சொந்தக்காரர்களோ, மூத்த குடிமக்களோ இல்லை. சும்மா பிழைக்க வந்த இடத்தில் மக்களை சுரண்டி, அடிமைப் படுத்தி அவர்களின் சொத்துகளை எல்லாம் சுருட்டிக் கொண்டு விட்டனர். முகாபே வந்தார். எல்லாவற்றையும் மீளவும் பறிமுதல் செய்து நாட்டுடமையாக்கினார். பாவங்கள் புடுங்குப் பட்டவர்கள் என்ன செய்வார்கள்? குய்யோ, முறையோ என்று புலம்பிக் கொண்டு ஓடித் தப்பினார்கள். முன்னர் அவர்களின் முன்னோர் செய்தது வட்டியுடன் சேர்ந்து திரும்பக் கிடைத்தது. வேற பாவம், புண்ணியம் இரண்டும் கலந்துதானே கிடைக்கும். இலாபம் மட்டுமே கிடைக்குமா?

அதுக்கென்ன இப்ப? விஷயம் இருக்கே. இப்பொழுது அமெரிக்கா சிம்பாவேயை தோல்வி அடைந்தா நாடாக அறிவித்துள்ளது. காரணம். நாட்டின் பொருளாதார சீர்குலைவு. சுகாதாரப் பிரச்சினை. இவை எல்லாத்துக்குமே காரணமானவர்கள் யார் என்று எல்லாருக்குமே தெரியும். தடை போட்டு பொருளாதாரத்தை அடித்து வீழ்த்தியது யார் என்று அனைவரும் அறிவர். ஆனால் இப்பொழுது பரவி வரும் கொலராவின் காரணம்? ஒழுங்கான குடி நீர் வசதி மக்களுக்கு கிடைப்பதில்லை.அத்துடன் திட்டமிட்டு பரப்பப் படும் நோய்களுக்கு நிவாரணம் யார் கொடுப்பார்? ஆக மொத்தம் ஒருத்தன கவுக்குறதுன்னு கிழம்பினா லாப நட்டம் பார்க்க முடியுமா?

இறுதியில் வெல்லப் போவது யார்? கொலராவினால் பாதிக்கப் பட்டவர்கள் போக - இனியும் எதனாலும் பாதிக்கப் படப் போகிறவர்கள் போக, மீதமுள்ளவர்கள் கண்டிப்பாக நாட்டின் சொத்து சுகங்களினை அவர்களே அனுபவிப்பார்கள். விடுவார்களா?

கொசுறு-சிம்பாவேயில் நால்வரில் ஒருவர் எயிட்ஸ் நோயாளி.

என்னை உறுத்தியவை 2

2009-12-22T18:22:00.001-08:00

அண்மைக் காலங்களாக பெரிதும் முக்கியத்துவம் கொடுக்கப்படும் நாடுகளில் கொங்கோவும் ஒன்று. கொங்கோ ஏற்கனவே பல இனப் படுகொலைகளை கடந்து தான் வந்திருகிறது. இப்பொழுது திரும்பவும் அதே மாதிரியான சூழ் நிலைகள் இருப்பதாக ஒரு அச்சம் பரவலாக எழுந்துள்ளது. ஆனால் கடந்த பத்து ஆண்டுகளுக்கு மேலாக அனைத்துலக சமாதானப் படை அங்கு நிலைகொண்டுள்ளது. அப்படியாயின் இன்றைய நிலைமைக்கு என்ன காரணங்கள்?
1. சமாதானப் படையினர் வெறுமனே தங்கக் கடத்தல்களிலும், பாலியல் வன்புணர்வுகளிலுமே காலத்தைக் கடத்தியுள்ளனர்.
2. அவர்களுக்கு தாம் ஏன் அங்கு போயுள்ளோம் என்ற நோக்கமே தெரியாது.
3. அதிக சம்பளத்துக்கு போனவர்கள் சமாதானத்துக்கு எப்படி உழைக்க முடியும்?
4. அவர்களுக்கு ஒழுங்கான ஒரு திட்டமைப்பு இருக்கவில்லை. அதனால் மீண்டும் இனக்களுக்கு இடையிலான வன்முறைப் போக்கு வளர்ந்ததே ஒழிய குறையவில்லை.
5. சும்மா பேருக்காகப் போனவர்களுக்கு இனங்களுக்கு இடையிலான புரிந்துணர்வுகளை கட்டி எழுப்பவோ, அவர்களின் எதிர்பார்ப்புகளையோ பூர்த்தி செய்ய முடியவில்லை, விரும்பவும் இல்லை.

இப்பொழுது பிரச்சினை பூதகரமாக மாறி- சீழ் பிடித்த புண் வெடிப்பது மாதிரி- வெளியே தெரியாத உட் பூசல்களும், கலகங்களும் பெருமளவில் வெளிவரத் தொடங்கியுள்ளன. பல நாடுகளிலும் ஏற்பட்ட பட்டறிவுகள் கொங்கோவிலும் உதாசீனப் படுத்தப்பட்டது ஏன்?எவருமே மூல காரணத்தையோ, தீர்வையோ நாடாமல் தற்காலிகமான ஒரு அமைதியையே நாடுகிறார்கள். ஏன்?

கொங்கோ ஏராளமான கனிய வளங்களைக் கொண்டிருப்பது தான்.
அதிலும் விசேடமாக சிப்கள் தயாரிக்கப் பயன்படும் கனிமங்கள் தாரளமாக எங்கும் பரவிக் கிடக்கின்றன. உலக வல்லரசுகளும், போட்டியாளர்களும் அவற்றிலே கண் வைத்து, உள் நாட்டுப் போரையும் தொடங்கி வைத்துள்ளன. அப்பொழுது தானே அவர்களுக்கு தேவையானவை மலிவாகக் கிடைக்கும். அதிலும் சில வல்லாதிக்க நாடுகள் சண்டை பிடிப்பவர்களுக்கு ஆயுத உதவியும் புரிந்து வருகின்றன. மேம்போக்காக சண்டையை நிறுத்துங்கள் என்று அறிக்கை மட்டும் விட்டுக் கொண்டு உள்ளன.

இறுதியில் கொங்கோவும் பொருளாதாரத்துக்கான யுத்தத்தில் தன்னையும், தன் நாட்டு மக்களையும் இழந்து கொண்டு இருக்கிறது.

கிரீஸ்.
மனுக் குலத்துக்கு நாகரிகம், கலாசாரம், பண்பாடு இன்னும் பலவற்றைக் கொடுத்த நாடு.
இன்று சாப்பாட்டுக்கு வழியில்லாதவர்கள் சண்டைக்கு கிளம்பியுள்ள நாடு.

ஒழுங்கான திட்டமிடல் இல்லாததினாலும், நிர்வாகச் சீர் கேடுகளினாலும் நாடு மிகவும் சிதிலமடைந்துள்ளது. போதாக் குறைக்கு ஊழல் அரசியல்வாதிகளிடம் நாடு. எப்படி உருப்படும்? இறுதியாக மக்கள் போராட்டமாக வெடித்துள்ளது. இங்கும் விசமிகள் தங்களது குருட்டாம் போக்கான செய்திகளையும், அறிக்கைகளையும் விட்டுக் கொண்டுள்ளனர்.
மக்கள் போராட்டத்துக்கு இளைஞன் ஒருவர் காவலரின் துப்பாக்கிக் குண்டுக்கு பலியானது தான் காரணமாகக் கூறப் படுகின்றது.
அதிலும் போலியாக, தவறுதலாக நடந்த விபத்து என்று காவல்துறை வேறு அறிக்கை விட்டுள்ளது. ஆனால் நேரில் பார்த்தவர்கள் சொன்னதோ வேண்டுமென்றே குறி பார்த்து சுடப்பட்டுள்ளார் என்பதே. நிகழ்வு இப்பொழுது விசாரணையில்.

மக்கள் போராட்டத்துக்கு ஆயத்தம் செய்து கொண்டிருந்த வேளையில் இச் சம்பவமும் இடம்பெற்று விட்டது. ஆவேசமான மக்கள் கூட்டம் கூட்டமாகச் சேர்ந்து கலவரங்களிலும், ஆர்ப்பாட்டங்களிலும். கொள்ளைகளிலும் இறங்கியுள்ளனர். இங்கு குறி வைக்கப் படுவது பெரும்பாலும் நிதி நிறுவனங்களும் வர்த்தக நிலையங்களுமே. இவர்களுக்கு சில காவல்த்துறையினர் உதவுவதாகவும், வெறுமனே வேடிக்கை பார்ப்பதாகவும் வேறு சொல்லுகிறார்கள்.

இப் போராட்டங்கள் அனேகமாக வர்க்கப் போராட்டமாக மாறும் சாத்தியங்கள் இருப்பதினால் சர்வதேச அளவில் பெரும் கவனம் செலுத்தப் படுகிறது. கடைசியில் மார்க்ஸ் தான் கை குடுக்கப் போறரோ?